簡東浦家族
簡東浦家族係喺戰前香港已經出名嘅家族，祖籍順德。家族成員涉足商界、政界，甚至科學研究（簡悅威）都有。
家族史
[編輯]簡東浦喺1888年出世，中學時讀過皇仁書院，之後留學日本，重喺當地嘅橫濱正金銀行等等嘅銀行做過事。後來佢返香港同李冠春等人開咗東亞銀行。
簡東浦嘅仔女當中，以簡悅強最出名。佢係律師出身，做過立法局非官守議員，又入過行政局，重做到去首席非官守議員（即係而家嘅行政會議召集人）。1979年嗰時，佢同麥理浩等人出訪北京，當時鄧小平講到明要將香港「收返」。簡悅強開始擔心香港嘅未來，冇幾耐佢已經辭咗行政局個位，之後重將東亞銀行嘅股票賣晒畀李佩材家族，漸漸淡出商界同政壇。家族喺香港嘅影響力亦都慢慢衰落。
同其他家族嘅關係
[編輯]同時馮平山亦都係東亞銀行其中一個合股人。