越王井
(由粵王井跳轉過嚟)
23°8′12.40″N 113°15′28.1″E / 23.1367778°N 113.257806°E
| 粵王井 | |
|---|---|
| 廣州市文物保護單位 | |
 | |
| 喺邊 | 越秀區 |
| 類 | 古遺址 |
| 時代 | 秦朝 |
| 冧 | 2-9 |
| 登錄 | 1983年8月13號 |
| 地圖 | |
 | |
越王井（粵拼：jyut6 wong4 zeng2，「越」又寫作「粵」），亦叫九眼井（gau2 ngaan5 zeng2），係中國廣東省廣州市嘅一個有名嘅古井，喺越秀區嘅應元路、廣州市第二中學應元學校嘅正對面嘅廣東省科學館後面嘅花園入面。嗰度有埲墻擋住，平時唔細心啲睇都睇唔出呢個井響嗰度附近。
史[編輯]
相傳喺古代嗰陣，由於成日都俾海嘅漲退潮影響，搞到地下嘅水質好差，而南越王趙佗就負責鑿咗呢個井出嚟[1]。不過由於佢嘅井水質比較好，所以嗰時凈係得廣州嘅封建統治者霸咗呢個井而唔畀百姓嚟掂。之前蘇東坡寫咗首詩就話咗雖然廣州地區啲人都鍾意呢個井啲水，但凈係得官員先至可以掂。喺古代嗰陣，市入面嘅茶樓就話佢係「山水名茶」、都成日嚟呢個井攞水嚟招客，一直到20世紀50年代為止，都有好多居民嚟呢度攞水嚟飲。但係到咗20世紀60年代，由於周邊俾人猛咁破壞生態環境，加上呢個井成日冇人嚟整，而導致井底出現淤積，搞到之前有嘅飲水功能都冇埋。不過隔籬重有嚿九眼古井嘅石碑響度。喺1983年8月份，廣州市政府公佈爲廣州市文物保護單位。而呢個井到而家為止有成2000幾年嘅歷史，係成個廣州入面保存得最耐嘅井[2]。
出面網頁[編輯]
註[編輯]
- ↑ 〈廣州市重點文物保護單位粵王井一字惹爭議(圖)〉. 網易. 2006年9月21號.
{{cite web}}: CS1 maint: url-status (link) - ↑ 〈遊客呼籲開放粵王井 回應稱係非旅遊景點〉. 大洋網. 2012年7月5號. 原著喺2016年3月4號歸檔. 喺2014年10月21號搵到.