廣州市第2中學

出自維基百科,自由嘅百科全書
(由廣州市第二中學跳轉過嚟)
廣州市第二中學
Guangzhou No.2 High School
地址
應元路校區:越秀區應元路21號
科學城校區:黃埔區科學城水​​西路11號
明細
廣東省一級學校
廣東省國家級示範性高中
校訓頂天立地
成立1930年8月
校長張先龍
科學城校區約500畝(33公頃)
校色  
級別應元路校區:初中三年全日制
科學城校區:高中三年全日制
網站
廣州市第二中學嘅各個校區
應元路校區
應元學校
科學城校區

廣州市第二中學英文Guangzhou No.2 High School),簡稱廣州二中,係中國廣東廣州嘅一間公辦全日制完全中學,於1930年8月創立。

佢係廣州市同廣東省重點中學,亦係廣東省國家級示範性普通高中。宜家有3,931個在校學生同埋372個教職員工。

校史[編輯]

建校前[編輯]

清嘉慶二十五年(1820年),兩廣總督阮元借用廣州城西文瀾書院(喺而家下九路文澜巷一帶)開辦學海堂。道光四年(1824年),阮元將學海堂遷至廣州城北粤秀山麓(今越秀山)嘅新校舍。係阮元嘅努力下,學海堂成為當時廣東文化學術嘅中心。[1]學海堂自創辦以來,培養咗好多人才,比如陳灃、桂文灿等就係當時嘅高材生。光緒二十九年(1903年),學海堂被廢開,改為紀念阮元嘅阮太傅祠;之後喺1911年冇咗。[2]

清同治六年(1867年),廣東巡撫蒋益澧同方浚頤一齊創辦菊坡精舍,並請咗陳灃為學長。菊坡精舍喺當時培養咗不少人才,佢啲學生對晚清廣東地方文化以至全國嘅政局,都有過一定嘅影響。之後喺光绪二十九年(1903年)停辦,改為陳先生(陳灃)祠。[3]

清同治八年(1869年),廣東布政使王凱泰喺應元宫前創辦專供擧人肄業嘅應元書院,成為當時廣州嘅最高學府。[4]之後科舉沒落,應元書院就唔受追捧。光緒二十九年(1903年),書院停辦,改做廣東先賢祠。[2]

清光緒三十二年(1906年),清朝宣布正式廢除科舉制度,原先為咗參加科舉考試而設立嘅書院因而失去咗存在嘅意義同價值。呢個時候,新式學堂紛紛興起,廣州地區嘅書院由此發生巨變,一係消失,一係改建為學堂。[5]光緒三十四年(1908年),兩廣總督張人駿喺應元書院、菊坡精舍舊址創辦以保存國粹為宗旨嘅廣東存古學堂,之後喺1911年停辦。[6]

辛亥革命之後,喺1921年,學海堂舊址改立執信學校(而家嘅執信中學,佢喺1923年遷到現在東沙路嘅校址)。1929年,廣州市立第一中學搬到學海堂舊址。

建校後[編輯]

1929年,開始籌建「廣州市立第二中學」。1930年8月,廣州市立第二中學正式成立,第一任校長係教育界知名人士徐甘棠。當時實行初中三年、高中三年嘅「三·三制」學制。初時係喺西關逢源正街嘅禮拜堂同民房作爲臨時校舍。1932年,學校搬到蓬萊路連慶沙地嘅新校舍(而家廣州一中嘅校舍)。1934年,增辦高級中學,招男女新生各一個班。1935年,只招收女仔;次年,所有男生撥歸廣州市一中,廣州市一中與廣州市三中合併為廣州市第一中學男校;而廣州市一中嘅女仔全轉到廣州市二中,成為女校。1938年,廣州市一中同市二中嘅高中合併為市高中;同年,廣州淪陷,廣州市二中停辦。[7]

1947年9月, 廣州市二中係應元路原市一中校址復辦,復校嘅校長係立法委員王孝英。1949年11月,廣州解放,軍代表賴奕輝接管廣州市二中。1951年3月,廣州市立第二中學改名做廣州市第二中學。1956年,俾廣州市人民政府評定為廣州市重點中學。

1967年1月,文化大革命爆發之後,羣衆組織奪權,學校工作全面癱瘓。1969年冬,喺廣州花縣獅嶺振興白水寨荒山坡上起咗個農村分校。1974年冬,分校搬到廣州市郊竹料公社陳洞大隊陳洞水庫隔離。1978年3月,學校革命委員會撤銷;同年8月,陳洞分校撤銷。[8]

1994年,被評為廣東省一級學校。2007年,被評為廣東省國家級示範性普通高中。2010年,被評為廣東省第一批青少年科學教育特色學校。2012年,學校個英文名由Guangzhou No.2 Middle School改爲Guangzhou No.2 High School。

校區介紹[編輯]

應元路校區(校本部)[編輯]

應元路校區係初中校區嘅所在地,喺越秀山南邊,曾經係廣州著名嘅書院「學海堂」、「菊坡精舍」、「應元書院」嘅所在地。喺科學城校區建立前,一直係公立學校嘅唯一校區,所以依家重嗌佢做校本部。

科學城校區[編輯]

科學城校區係高中校區嘅所在地,於2005年開始使用。佢起喺蘇元山上,據講蘇軾曾經隱居喺呢度。

教育集團[編輯]

廣州二中教育集團係廣州市第二中學創立嘅一個教育集團,目前形成咗「一校(廣州二中)、兩核(應元路同科學城校區)、三類(公辦學校、國有民辦、委託管理)、四區(越秀、黃埔、增城、南沙區)、五元(應元、蘇元、會元、開元、天元)」嘅格局。一般嗌佢哋「大二中」。

目前除咗廣州二中外,廣州二中教育集團仲包括以下學校:

  • 國有民辦學校
    • 廣州市越秀區二中應元學校:係間初中,個名出自應元書院。
    • 廣州市二中蘇元實驗學校:係間寄宿初中,個名出自隔籬嘅蘇元山
  • 託管公辦學校
    • 廣州市黃埔區會元學校:二中管理嘅一間黃埔區九年一貫制公立學校。
    • 廣州市黃埔區開元學校:二中管理嘅一間黃埔區公立小學及完全中學。
    • 廣州市增城區應元學校:二中管理嘅一間增城區公立初級中學。
    • 廣州市第二中學南沙天元學校:二中管理嘅一間南沙區公立完全中學。

出面網頁[編輯]

出處[編輯]

  1. Benjamin A. Elman (2006). 车行健[译]. 广. . 20 (2). 原先內容歸檔喺2017-12-01. 喺2017-11-18搵到.
  2. 2.0 2.1 曹思彬 (1989). 广沿. (4). 原著喺2020年3月16號歸檔. 喺2019年11月13號搵到.
  3. 曾凡亮 (2009). (論文). 中山大学.
  4. 元书院--广州市越秀区图书馆. wap.gzyxlib.cn. 原先內容歸檔喺2017-02-20. 喺2017-02-20搵到.
  5. 张洁铃 梁宝莹 卢佩珊 卢嘉韵 于锦花 (2015). 广. (10). 原著喺2020年3月16號歸檔. 喺2019年11月13號搵到.
  6. 广州书院全部改为学堂 - 广州市地方志. 原著喺2017-11-17歸檔. 喺2017-11-16搵到.
  7. 叶志盛等. 等教育-广州市第二中學广州市越秀區圖書館. 秀春風-广州市第二中學建校70周年紀念 (1930-2000) . 原先內容歸檔喺2017-08-09. 喺2017-08-09搵到.
  8. 中校史之我見 (1930年至1978年) [廣州二中校友論壇]--powered dvbbs.net,2007-9-4 畔 11:02:34. 2007-09-04. 原著喺2007-09-04歸檔. 喺2017-08-04搵到.