紅樓夢

出自維基百科,自由嘅百科全書

 紅樓夢粵拼hung4 lau4 mung6 》,原本叫《石頭記》,係白話章回小說,喺大清中葉成書。

《紅樓夢》書內提及《情僧錄》、《風月寶鑒》、《金陵十二釵》,乾隆四十九年甲辰(1784年)夢覺主人序本題為《紅樓夢》,第一次活字印刷之後,《紅樓夢》就取代《石頭記》成為通行嘅書名。長久以嚟,一般認為前八十回係曹雪芹所作,後四十回由高鶚所補,有人認為程偉元寫。

《紅樓夢》譽為中國小說嘅巔峰[未記出處或冇根據],研究呢部書嘅科就叫紅學

紅樓夢起首講女媧煉石補青天,只留低一塊未用。石頭煉過,亦有靈性,心思思,想墮紅塵。於是乎求一,幫手成願,兼且刻上通靈寶玉。而之後咁啱,神瑛侍者以甘露澆灌絳珠仙草,仙草起死回生。仙草得靈性,修得女身,自己無仙露,願以一生眼淚報恩。神瑛侍者動心下凡,絳珠仙草,聞訊亦下凡。僧道二人為了結此案,夾帶靈玉。絳珠仙草轉生林黛玉,神瑛侍者轉生賈寶玉,而賈寶玉含住通靈寶玉出世。賈寶玉曾入夢遇仙女,遊於太虛幻境,看過金陸十二釵各冊,詩中預言紅樓夢中,各女子如何薄命。起首以甄士隱賈雨村二人為引,帶出金陸賈家大觀園種種悲慘,終至沒落,紅塵如何虛幻。