紅矮星
紅矮星係質量同尺碼都較細、溫度較低嘅恆星。響Hertzsprung-Russell圖入便，紅矮星係 K 或 M 光譜類型嘅星。以數量計，紅矮星佔咗成個宇宙嘅恆星嘅七至九成。佢哋質量細，細到0.075到半個太陽質量，而表面嘅溫度經常低過3,500 K。
特性
[編輯]2005年發現咗繞行紅矮星Gliese 581嘅太陽系外行星，質量同海王星或者17個地球差唔多。佢隔佢繞行嘅紅矮星好近，得6百萬公里（0.04天文單位）。噉可以估到佢嘅表面溫度會有150攝氏度，雖然佢繞行嘅恆星好細好暗。2006年發現咗另外一個太陽系外行星，5.5個地球質量，繞行紅矮星OGLE-2005-BLG-390L，隔佢嘅恆星2.6天文單位，表面溫度估會低過−220 °C （56 K）。
2007年，又發現咗一個新嘅，話唔定會適合生物居住嘅太陽系外行星。呢個行星編號Gliese 581 c，繞行Gliese 581。如果行星嘅發現者（Stéphane Udry嘅小組）所估計嘅行星質量（5.36個地球）係冇錯嘅話，佢就係而家發現倒嘅最細個嘅繞行正常恆星嘅太陽系外行星（而家重發現有重細粒嘅太陽系外行星，不過唔係繞行正常恆星，而係繞行一個編號PSR B1257+12嘅中子星）。發現者重估佢嘅半徑會有個半地球咁大。呢粒行星啱啱好響紅矮星Gliese 581嘅可居住帶入便，亦係而家為止最有可能適合生命居住嘅太陽系外行星[1]。
可居住性
[編輯]内文：紅矮星可住帶