經驗開放度（英文：openness to experience）係五大性格特質之一，一般俾人認為係反映一個人有幾鍾意享受唔同嘅體驗。經驗開放度高嘅人會鍾意藝術、鍾意冒險而且充滿好奇心，一般認為呢啲人會比較有創造力同想像力，亦都有學者話經驗開放度高嘅人容易因為貪新鮮而走去做出一啲冒險嘅行為，例如係貪新鮮吸毒噉[1]。
