網吧

墨西哥

網吧（粵拼：mong5 baa6*1，又寫成網bar）係一種租電腦畀人用嚟上網同做其他嘢嘅舖頭，通常計鐘數收錢。

唔少網吧會裝流行嘅正版電子遊戲去性能好好嘅貴價電腦度，令到遊戲比起家用電腦，可以更加暢順噉樣運行，加上可以俾好多人同時聚埋一齊，喺網吧打機往往會零舍過癮。

正規嘅網吧唔畀人上鹹網、睇鹹濕嘢……其他犯法嘢（例如黑客行為）都唔做得。大部份都有會員制，入會之後有折頭；重有啲規定客人幫襯之前入會。

但依家，大家都轉傾向玩手機遊戲，或者玩 xbox、Play Station、Switch ，而且家用電腦性能亦愈黎愈高質，網吧呢一類嘅舖頭都已經好少見喇。

其他服務

有唔少網吧會賣埋嘢飲嘢食，又有部分放咗書（尤其是漫畫）畀人睇，重有啲有床，畀客人瞓覺同過夜。有種唔合規格，入到去有得叫鷄或者叫鴨嘅，俗稱色情網吧。