導演

導演（粵讀：dou⁶ jin²，英文：Director），係影視製作團隊中，將攝影、聲音、演員、服裝、化妝、佈景等元素整合起嚟嘅負責人，並且同編劇、攝影指導、剪接師等嘅技術人員合作，導演亦要指導演員嘅演技、攝影機嘅位置、聲音、燈光等技術嘅配合。因為導演要負責整個節目嘅樣貌，因此喺決策有爭拗嘅時候，導演擁有最終嘅決定權。

唔同領域嘅導演

1954 年喺芬蘭影到，有一位導演喺度睇劇本。佢可能喺度想像「呢個打鬥場面，要點拍呢？」噉嘅問題。

睇埋：電影導演、舞台劇導演、電視導演同其它影視導演

電影導演

簡言之，導演係用劇情同演員表達自己思想嘅人。

電影導演同時運用咗演員嘅身體及情緒／視線嘅選擇／光線嘅調度／畫面嘅構成／剪接嘅邏輯／音聲嘅搭配，將某個劇本呈現於影像屏幕上，從而將呢個劇本（以及如果有啲講話：佢嘅思想）表現畀觀眾嘅人。

電影工業涵蓋多元嘅專業技術，從製片，攝影，燈光，美術指導，場務，演員，錄音，混音，後期特效等，十分龐雜。絕大多數現代電影導演無法廣泛專精以上各項專業技術，但佢仍可以支配旗下所有各該部門嘅專業人士，依照佢嘅意志工作。

舞台劇導演

舞台劇導演嘅工作係一個貫著嘅完整過程，從劇本嘅閱讀、演員嘅選擇與合作，到舞台空間、服裝化妝、燈光等嘅設計，都係導演工作嘅組成部分。

歷史

相對戲劇歷史嘅源遠流長，導演身份嘅出現同確立確係非常後生嘅——呢至少說明只有喺戲劇嘅各種物質同精神要素都有咗相當嘅積累發展後，先至需要導演來統一各戲劇元素，來組織演出。

一般戲劇史公認嘅第一位導演係德國嘅梅寧根公爵。喺導演誕生之前，組織演出嘅工作由劇作家、富有經驗嘅主要演員或劇院經理來擔任。

隨著戲劇自身嘅發展，戲劇導演嘅定義亦喺與時俱進。但回顧20世紀戲劇史，有一點毋庸置疑，即導演嘅權威同作用喺戲劇演出中越來越重要。