練家俊

練家俊（1991年3月19號－），有時會化名文耀洪、陳美琪，香港易服癖人士兼罪犯，親中派人士。

事蹟

訛稱星探騙財被判感化令

喺2009年，佢自製娛樂公司網頁同經理人合約，虛構一間名為「星輝娛樂」嘅公司，喺網上訛稱招募網絡歌手同埋偶像選拔比賽，藉此騙財，之後被控兩項企圖以欺騙手段取得財產罪，被判處一年感化令。裁判官斥責被告行為，反令他人永遠得唔到夢想。

身穿九鐵制服出現九龍南綫通車活動，制服被沒收

2009年8月16號，港鐵公司西鐵綫延綫（南昌站至紅磡站一段）通車，唔少傳媒都有頭班車通車嘅過程，而練家俊聲稱自己係前九鐵職員，身穿九鐵制服連名牌成為傳媒採訪焦點，但因為九鐵制服屬於鐵路公司資產，結果佢喺柯士甸站被港鐵職員沒收恤衫、肩章同埋名牌。港鐵事後回應話，咁做係要避免制服流出市面被人作不法用途。

雨遮運動期間事件

喺2014年雨遮運動期間，佢經常喺示威區域流連曾經聲稱喺旺角被軍裝警員強行拉出帳篷拖行兩米拳打腳踢，被警棍打到頭破血流，最終證實佢老屈警察。另外，網上有流傳，指練家俊曾經出賣粉筆少女私隱，利用粉筆少女對佢嘅信任，將粉筆少女嘅照片放上親中派愛港之聲嘅討論區，結果令粉筆少女被好多親中派人士跟蹤同騷擾。

多次易服自稱記者

另外，佢曾經易服打扮成女人，出現喺立法會綜合大樓，聲稱自己係記者，引起一啲媒體嘅關注。其中，喺2014年尾，佢曾經喺金鐘踢凹咗立法會大樓外鋼造嘅防煙門，被警方以涉嫌刑事毀壞罪拘捕。另外，佢扮女人嘅行徑，亦令有啲女記者擔心，佢會唔會入女廁，搞到人人自危。

另外，喺2016年7月，佢曾經打算進入立法會大樓採訪特首梁振英答問大會，但遭到拒絕，期間情緒激動，爬出外牆花槽企圖跳樓，之後被警方勸回。

睇埋

• 香港天陰媒體 - 一個專門揶揄同跟進佢不正常行為嘅Facebook Page