粉筆少女

出自維基百科,自由嘅百科全書
跳去導覽 跳去搵嘢

粉筆少女2000年—)係對香港一位無公開真名嘅女仔嘅稱呼,因為2014年12月23號凌晨聲援雨遮運動金鐘佔領區「連儂牆」用粉筆畫花,畀警方拘捕而出名。

簡歷[編輯]

粉筆少女本身住天水圍。2014年佢一路參與雨遮運動,清場後仍然到金鐘佔領區聲援。12月23號凌晨佢用粉筆喺牆上畫,結果引嚟14名重案組警員用「涉嫌干犯刑事毀壞罪」拘捕。12月28號,警方用個女仔阿爸無力照顧做理由,向法庭申請兒童保護令,接管個女仔,最後個女仔被判入女童院三星期[1]。而外牆亦畀警方用膠帶封鎖,同埋派員通宵看住約莫13個鐘。

消息傳出後,事件引起激烈爭議。學民思潮召集人黃之鋒質疑警方做法。而律師認為用粉筆喺公共地方塗鴉唔算造成毀壞,只可以告佢行為不檢[2]。而佢個粉筆花圖案同相關報道喺facebook「洗版」。學民思潮搞咗個聲援少女聯署,有5.5萬人參加。到2015年1月4號,有超過100名市民響應團體號召,到金鐘連儂牆聲援粉筆少女,人民力量譚得志、「女長毛」雷玉蓮同埋文化監暴成員藝人何韻詩亦有到場支持[3]

出女童院後,粉筆少女曾聲援捍衛沙田遊覽完上水去屯門,同埋鳩嗚團活動。

參考[編輯]