縱深防禦

縱深防禦（英文：defense in depth / deep defense）係一種防守戰略，指特登唔阻礙進攻者嘅前進，而係以由得進攻者佔領土地嘅方式嚟爭取時間同引致敵軍傷亡。

呢種做法可能係防守方有大量（或者至少充足）領土：例如進攻方攻到咁上下會因為「攻下咗大量自己唔熟嘅土地，因而喺運送物資俾前線部隊上出問題」等嘅原因，而喪失繼續進攻嘅能力，又或者因為焗住要防守大量土地而力量分散咗，於是原先防守嗰一方就可以趁機會搵敵方弱點進行反攻。呢種做法一戰嗰陣嘅德國曾經用過，當時嘅防守德軍試過由得敵軍拿下前方嘅塹壕（睇塹壕戰），然後由後方嚴密佈咗防嘅塹壕嗰度用機關槍向敵人開火^[1]。