繩紋時代

出自維基百科,自由嘅百科全書
Jump to navigation Jump to search
日本史

Samurai in 1880.jpg
武士

日本繩紋時代嘅陶器

繩紋時代,又寫做繩文時代,係日本史上一個時代,由約莫公元前14,000年到前300年,橫跨舊石器時代後期到新石器時代。嗰陣嘅人識用紋嘅陶器,大致對應新石器時代

簡介[編輯]

大概一萬四千年前,氣候變暖,海平面上升,令日本亞洲大陸分離,變成列島。啲人馴養用嚟獵鹿野豬,同時發明咗弓箭,增加獵物捕獲量。除打魚之外,啲人亦採集七葉樹籽、橡實、核桃同埋植物嘅球根等。啲人努力獲得足夠糧食,從而有空閒時間磨製石器同埋燒製陶器。又因為開始食熟食而擴大食物範圍。噉樣,人類可以長期定居一地,建造豎穴住居。豎穴住居以廣場為中心,幾家一齊聚居,周圍因丟棄貝殼同食物碎屑,形成貝塚。但呢類食物唔能夠長期保存,而且亦好難將剩餘產品積累喺某個人手中,當時重係處於冇階級對立嘅原始社會,因此未發現反映特定人嘅財富同權力嘅遺址同埋遺物。

喺當時生產力好低嘅條件下,自然生產嘅資源有限,因此啲人喺集團內部制定嚴格嘅規約以保護自然,同時盛行巫術,出現石棒、土偶,並有拔齒等習慣。啲人重祈求自然豐盈。到呢個時代末期,尤其喺西日本,出現企圖突破狩獵、捕撈同埋採集經濟嘅趨勢,喺福岡縣嘅板付遺址發現咗繩紋晚期種植水稻嘅水田遺址。

遺跡[編輯]

呢個時期遺跡好多,青森縣青森市三内丸山遺跡日文三内丸山遺跡係目前日本所發現規模最大嘅繩紋村落古跡,大量出土嘅陶器同埋陶俑表面有繩索紋樣,所以叫繩紋時代。呢個時代產生嘅文化叫繩紋文化。繩紋時代嘅生活方式以狩獵採集為主,武器係弓箭,喺遺跡可發現埋葬嘅狗墳。出土嘅陶俑多數係女性,因此繩紋時代係日本母系氏族公社嘅繁榮時期[1]

後續[編輯]

繩紋人被外來民族征服後,彌生時代來臨。喺北海道同日本東北,沖繩就分別保持擦文文化貝塚文化

參考[編輯]

  1. 龐國雄 (2013年). 你知道或不知道的日本史. 武漢出版社. 第 p.10頁. ISBN 9787543076600.