羅佩芝

  呢篇文講1980年代活躍嘅香港藝人。想搵2010年代開始活躍嘅香港模特兒嘅話，請睇羅允芝。

羅佩芝
女演員
英文名	Doris Law
國籍	美國
民族	漢族
籍貫	廣東潮州
出世	(1959-11-25) 1959年11月25號  英屬香港
語言	粵語、英文、普通話
活躍年代	1980年代
唱片公司	永恆唱片
經紀公司	無綫電視
獎 1981年度香港小姐冠軍（後尾被取消資格）

羅佩芝（1959年11月25號—）係1981年香港小姐冠軍，後尾因為報細年紀，畀無綫電視取消資格，無得選環球小姐。

選美

1978年，羅佩芝參加美國三藩市華埠小姐，當年報係23歲。過咗3年，1981年佢參加香港選美，報22歲。1981年呢次香港小姐，佢大熱咁攞到冠軍。但無耐有人向無綫告密，話佢唔係三藩市州立大學上酒店及餐廳管埋課程，亦都唔係22歲。就係咁，無綫查明證實報細年紀後，禠奪佢后冠，無得去紐約參加環球小姐。佢原本個位，由排第二嘅勞錦嫦頂上。結果當後選美，冠軍勞錦嫦，亞軍錢慧儀，季軍狄寶娜摩亞。

嗰陣時港姐年齡上限係25歲。2010年，港姐年齡上限由25歲加到上27歲。

影視生崖

雖然做唔成香港小姐，但佢轉去電影同電視發展。1983捲入森森同李振輝婚變。1987年，拍藝術片掛帥嘅導演何藩，遊說佢全裸演出，但羅佩芝話「廿幾蚊畀人睇晒唔值」，一口拒絕。

息影

羅佩芝之後返三藩市，同識於微時嘅男友結婚，生咗三個仔，過平靜生活。