美西戰爭

美西戰爭（英文：Spanish-American War，西班牙文：Guerra hispano-estadounidense），係1898年4月25號到1898年8月12號由美國同西班牙為咗爭奪古巴、菲律賓、波多黎各同埋關島而打嘅戰爭。喺1898年美西戰爭期間嘅6月12號菲律賓宣告獨立，成立菲律賓共和國。最後美國贏咗呢場仗，西班牙被迫同美國簽署巴黎和約。和約規定西班牙要以2000萬美元嘅代價割讓菲律賓、關島、安娜塔西亞島同埋波多黎各等殖民地畀美國，又要畀古巴獨立。

美西戰爭結束後，西班牙帝國唔單衹開始沒落。而且加上自由主義嘅興起，影響中南美洲好多西班牙嘅殖民地一個二個宣佈獨立。