老花

出自維基百科,自由嘅百科全書
跳去: 定向搵嘢
Presbyopia
分類同外部資源"
ICD-10 Template:ICD10
ICD-9 Template:ICD9
老花眼鏡

老花(粵讀:lou⁵ faa¹,英文:Presbyopia)係出現老化而導致晶狀體唔可以對近物對焦嘅視力問題。患者因而喺睇近物時視物變得模糊。

病徵[編輯]

患者喺睇近物時視物變得模糊。特別係喺光線不足下,問題會更明顯嚴重,呢個係因為光線不足下曈孔會擴大,因而景深變窄。 另一病徵係患者喺把焦點大幅轉移時嘅瞬間影像會暫時性變得模糊,呢個係因為眼變焦遲緩所致。

成因[編輯]

隨著人類年齡漸長,眼視近物嘅調節力便會逐漸下降。目前醫學界並未能完全確定老花嘅成因,但一般相信主要係由於眼內晶狀體嘅彈性隨年齡而漸漸減低,觀睇近物時,晶狀體弧度不足,未能把光線聚焦至視網膜,但亦有可能係晶體弧度隨年齡改變或眼內控制晶體弧度嘅睫狀肌(ciliary muscle)隨年紀增長而失去力度。

老花眼開始嘅年齡與緯度有關,居住於熱帶地方嘅民眾出現老花症狀會較早,原因可能係與日照嘅多寡有關,接收到陽光中嘅紅外線愈多,老花眼可能愈早發生。因此,居住於海邊嘅民眾亦會較山區居民較早出現老花症狀[1]

老花係一種自然嘅老化現象,一般人喺40歲開始都會面對[2],無論有冇近視遠視等屈光唔正,都會感到難以聚焦閱讀太近嘅事物,要拿遠一點才可睇清。老花眼嘅度數到60歲之後才會逐漸固定,最深約喺300度左右。因此,40至60多歲嘅人,建議平均每2至4年驗光一次,以取得最適合嘅度數[3]

療法[編輯]

老花可以透過凸透鏡片製成嘅老花眼鏡矯正,亦可透過隱形眼鏡矯正。輕微老花眼嘅人,如果閱讀時把書本拿遠一點就可以睇消楚,就唔一定要配鏡。但當度數加深,閱讀時感覺食力,應配戴眼鏡輔助,以免讓眼過度疲勞,甚至會引至頭暈、作嘔,同眼球脹痛,需要配戴焦距精準嘅老花眼鏡,否則會傷害眼< ref name="愛護老花眼">李佳欣. 愛護老花眼眼鏡愈貴愈好?. 台灣: 康健雜誌. 2011年1月: 150–156頁. </ref>。

由於患者本身可能有近視,睇遠同睇近需要唔同度數嘅眼鏡,為咗免除時常轉換眼鏡嘅麻煩,由兩個焦點鏡片組成嘅雙光(雙焦)眼鏡便可帶來方便。隱形眼鏡亦有雙光鏡片可供選配。對於喺工作或生活中視線焦距變化大嘅人,亦可配戴鏡片上有超過三個以上嘅焦點嘅多焦點眼鏡。不過,戴雙焦或多焦鏡片嘅初期,需要一段時間逐漸適應。

老花與遠視雖然都可透過凸透鏡片矯正,但係就屬兩種唔同嘅現象。遠視本屬於屈光唔正,係眼軸過短或調節力不足,老花則純屬老化問題。

資料來源[編輯]

  1. 吳建良. 老花悄悄來報到焦慮籠罩中年人. 台灣: 常春雜誌. 2011年7月: 72–75頁. 
  2. 老花眼年增10度陳清芳/台北/中央社2011/11/05 10:09
  3. 引用錯誤 無效嘅<ref>標籤; 無文字提供於名為.E6.84.9B.E8.AD.B7.E8.80.81.E8.8A.B1.E7.9C.BC嘅參照

參見[編輯]

Template:ICD-10-H1