老襯亭

出自維基百科,自由嘅百科全書
Jump to navigation Jump to search
凌霄閣

老襯亭香港,原叫山坳亭,喺香港山頂,已拆。之後亭地嘅,卽爐峰塔凌霄閣,都叫老襯亭。老襯亭實爲山頂纜車山頂總站,實地喺歌賦山扯旗山之間,喺爐峰峽之處。老襯亭同山頂纜車,係香港大酒店公司所有。舊時公司亦有山頂酒店,就係老襯亭後面,喺家下嘅山頂廣場笪地。

因原亭已拆,亦有誤以爲西面另一觀景亭,卽獅子亭,就係老襯亭。實屬誤會。

[編輯]

老襯亭最初係個亭,用來睇風景,毁於香港日治時期。二十世紀五十年代,香港大酒店出資起樓,是爲山頂站嘅樓。一九七二年,原地建爐峰塔,八月廿九號開張,頂層有西餐廳,餐廳落一層做咖啡室,而底層做中菜餐館。塔喺一九九三年再拆,起個座凌霄閣。

[編輯]

老襯有搵笨嘅意思,老襯亭實際意思,亦無從得知。傳說有幾個。一說遊人千辛萬苦上山,到觀光亭睇風景,好鬼搵笨;二說二十世紀五十年代,香港地有話,「香港地老襯死唔晒」、「太平山頂望落去老襯數唔晒」。遊人喺亭內,望落山腳,見到唔少老襯,卽係笨人;三說老親轉音成老襯,卽係親家,企喺亭望落山,搵未來老親,卽係「捃老親」,亦寫搵老襯。

參攷[編輯]