聖多美普林西比

聖多美及普林西比嘅位置

聖多美島（左下）同普林西比島（右上）

聖多美和普林西比（葡萄牙文：São Tomé e Príncipe；英文：São Tomé and Príncipe），官名聖多美和普林西比民主共和國（葡文：República Democrática de São Tomé e Príncipe；英文：Democratic Republic of São Tomé and Príncipe），係非洲及大西洋一個島國，喺畿內亞灣，加蓬西北面對出兩百幾千米。首都喺聖多美，國由聖多美島、普林西比島兩大島組成，另附有島仔幾個，兩大島相隔約一百四十千米。聖多美在南，普林西比島在北，聖多美稍南就係赤道。全國面積964平方千米，人口16萬，非洲嚟講，佢國土第二細。1975年脫離葡萄牙殖民管治獨立。

國分二省七區，一島一省，六區喺聖多美，一區喺普林西比。普林西比自1995年起自治。

早年當地人種蔗。蔗業沒落，改爲奴隸貿易中轉站。後尾又轉爲種咖啡豆同可可豆。家下以可可豆乃係當地主要作業。