聖母瑪利亞
瑪利亞（基督新教譯馬利亞，景教譯末艷）係耶穌嘅阿媽，喺天主教同東正教[1]尊稱聖母，又叫聖母瑪利亞。根據《新約聖經》記載，身為處女嘅瑪利亞畀聖靈受孕[2]，喺伯利恆生咗耶穌[3]。
佢喺基督宗教嘅新教唔多重視，但係喺比較傳統嘅派別都好受重視；喺3世紀開始尊稱做 ｢天主之母｣（theotokos，意思係 ｢誕神者｣[4] 或者 ｢生育天主者｣[5]；新教譯 ｢神之母｣[註 1]）[6][5]，並且喺431年嘅以弗所公會議宣佈係當信道理。不過咁並唔係話傳統嘅派別對佢嘅睇法冇分別；例如，天主教認為佢冇原罪，但係東正教（同新教一樣）認為佢有原罪[4]。
參考資料
[編輯]註
[編輯]書目
[編輯]- 左漢忠 (2000年5月)。〈聖母敬禮〉。《神思》 (香港中文) (45): 51–70。喺2025年1月4號搵到。
- 盧龍光; 曹偉彤; 周永健等人編 (2003)。《基督教聖經與神學詞典》 (香港中文) (第1版)。香港：漢語聖經學會。ISBN 962-513-250-3。
- 聶基道、羅國輝 (2003年2月7號)。〈從東西方禮儀傳統看聖母敬禮及靈修〉 (香港中文)。喺2025年1月4號搵到。
