聯洲國際

聯洲國際有限公司（英文：EganaGoldpfeil (Holdings) Limited，港交所前編號：00048），主業當時係設計、裝嵌、製造同埋分銷鐘錶、珠寶首飾同埋皮具產品。公司喺開曼群島註冊，寫字樓總部喺長沙灣青山道香港工業中心。

1993年6月25號，公司以每股1緡港元發行2億4千萬股新股上市，重每５股送１份1996年紅利認股證。

2000年4月，公司英文名由 Egana Int'l (Holdings) Ltd. 改為 EganaGoldpfeil (Holdings) Ltd.，中文名維持唔變。

2002年7月25號，公司嘅美國預託證券喺納斯達克證券市場除牌。

2006年7月，公司建議私有化聯洲珠寶（0926.HK）。搞掂之後，聯洲珠寶成為公司嘅全資附屬公司。

聯洲國際嘅高層畀人拉咗，畀商業罪案調查科查佢數，金額約莫十幾億壞賬。2010年12月，公司畀香港聯合交易所列入除牌程序嘅第三階段，如果喺2011年6月底截止日期之前提交唔到可行嘅復牌建議，公司嘅上市地位會畀人撤銷。

由於聯洲喺截止日期前都係提交唔到可行嘅復牌方案，香港聯合交易所最後喺2011年12月宣佈撤銷佢嘅上市地位，2012年1月4號生效。