臘鴨

臘鴨係唐人傳統嘢食臘味嘅一種，做法係將鴨嘅內臟清理，洗好隻鴨之後用鹽醃好鴨醬。

其他用法

• 因為臘鴨嘅處理過程同古埃及木乃伊嘅製作過程差唔多，加上保存嘅方法同而家死屍嘅處理又有幾分相似，所以有人將「臘鴨」借代為「死屍」。

• 舊時舖頭賣臘鴨係一隻一隻咁掛喺出便，成隻鴨得條頸做支點，全身下垂，形象同一個人吊頸死有幾分相似，所以有人將「掛臘鴨」借喻為「吊頸自殺」。

• 因為「臘鴨」喺粵語同「垃圾」差唔多音，所以粵語地區又將「臘鴨」借喻為「垃圾」。香港動畫《麥兜故事》都有用過：黎根（黃秋生配音）主持新聞報道嗰陣時其中一句就係「香港嘅運動員唔係臘鴨，呀…各位對唔住，應該係垃圾唔係臘鴨」。

睇埋

• 臘鴨髀
• 鴨豉片
• 神仙索