自然哲學（英文：natural philosophy）係古代歐洲有嘅一個學科分類，泛指針對自然嘅哲學研究，可以話係現代自然科學（用科學方法研究大自然）嘅前身[1]。
自然哲學傾向（好似哲學噉）齋靠啲研究者諗同估嚟做研究[2]。打後靠實證嘅科學方法興起，而且用科學方法研究大自然嘅做法（自然科學）取得重大嘅成功。到咗今日，自然哲學好大程度上經已俾自然科學取代咗－想研究大自然嘅人絕大多數都會去搞自然科學，而唔係搞自然哲學[1]。
