臺灣年度代表字大選

臺灣年度代表字大選係聯合報自2008年起以日本今年的漢字作為範本，每年年底對臺灣民眾徵集投票選出一個代表性漢字，代表呢一年台灣嘅社會面貌同心靈風景^[1]，同埋喺歷年代表字解讀臺灣社會嘅改變^[2]。

2008至2015年共同主辦單位係遠東集團徐元智先生紀念基金會，2016年換成中國信託文教基金會。

歷年代表字

年份	代表字	推薦人	票數	概要
2008	亂	白先勇、余光中、廖玉蕙 ^[3]	7,936	金融海嘯、國際油價上漲。
2009	盼	郭耀華	5,417	歷經咗金融海嘯同八八風災，有著盼望經濟、家園重建嘅希望。
2010	淡	潘威倫	9,464	象徵台灣民眾處世智慧與哲學，中庸之道、泰然處之嘅恬淡心情。
2011	讚	王文華、郝龍斌	7,221	Facebook普及，「按讚」成為流行用語。中華民國100年國慶。
2012	憂	陳建仁	8,094	末日預言、歐債危機、工資倒退、物價上揚。
2013	假	黃光國、韓良露、陳玉峰	17,790	胖達人香精麵包同大統假油等食安事件；楊念祖抄襲事件。
2014	黑	張上淳、楊志良、向陽	12,489	爆發主張反黑箱服貿並以黑色調為代表嘅太陽花學運；黑心商人製造黑心油品、黑心食品等事件。
2015	換	蔡英文、劉克襄	13,842	即將舉行2016年中華民國總統選舉。
2016	苦	楊丞琳	10,328	年初美濃地震引發維冠金龍大樓倒塌事故；多個颱風吹襲台灣；整體經濟狀況未好轉同埋兩岸關係急凍；勞基法一例一休同廢除七日國定假日之爭；歐美瀰漫保護主義同民粹主義、英國脫歐、當勞侵當選。
2017	茫	彭啟明	12,445	全球氣候變遷；台灣未來發展茫然。^[4]^[5]
2018	翻	張升星	10,929	國內外出現各種推翻現狀嘅情況。

日本嘅「今年嘅漢字」投票免費，但臺灣年度代表字大選係要畀錢投票，手機簡訊每次新台幣10元，手機直撥每秒0.2元^[6]。
一名網上代號k721102嘅民眾聲稱2008年票選第一名係「幹」，但俾主辦單位改成「亂」；2009年再話投票結束前幾日票選網站顯示第一名係197,925票嘅「驅」^[7]，但主辦單位最後宣布嘅第一名係遠喺前20名之外嘅「盼」。
2010年起主辦單位以維護公平性，唔再喺票選過程中公開票數，引起部份民眾不滿，認為主辦單位可能作票。
2011年代表字「讚」被質疑同馬英九競選總統口號「台灣加油讚」有關。