興坪古鎮

出自維基百科,自由嘅百科全書
Jump to navigation Jump to search
興坪古鎮嘅西牌坊

興坪古鎮粵拼hing1*3 ping4 gu2 zan3)係中國廣西桂林嘅地名兼旅遊景區,亦係中國歷史文化名鎮,位置喺陽朔東南25km嘅地方。城區相傳喺三國吳時期開搞。呢個鎮之所以出名,係因為中國人民銀行喺1999年發行嘅20文紙背面個圖案喺呢度攞景,加上附近都係啲古色古香啲村鎮。曾經喺1996年俾中華人民共和國建設部定佢做中國細城鎮建設試點集鎮,2000年9月3號俾廣西壯族自治區人民政府定佢做重點集鎮。

呢個景區好多時,遊客睇「桂林山水甲天下」嘅必經之處。佢嘅地勢東高西低,屬丘陵地帶,鎮西邊屬岩溶地貌,有好多座山響度。其中興坪古街係條長1km嘅石板街;喺古街東南邊嘅獅子旦屬熙平縣城遺址。鎮入面有好多文物響度,主要集中喺興坪古街同距離圩場差唔多2km嘅漁村。

[編輯]