色琦

色琦（古希臘文：Κίρκη / Kírki）係希臘神話裏面識得用巫術嘅女神，曾經施法將奧德修斯啲手下變做豬，但後嚟同奧德修斯化敵為友，仲教奧德修斯點樣搵泰里西亞斯。

奧德修記

内文：奧德修記

奧德修斯同佢嘅手下去到色琦嘅島。

色琦起初扮友好請佢哋食芝士同飲酒。不過原來啲芝士同酒落咗藥，奧德修斯嘅手下有一半中咗咒語變成豬。不過奧德修斯就好彩，得到赫密士嘅幫助—赫密士送咗啲神草畀奧德修斯，令佢對色琦嘅巫術有抵抗力。奧德修斯唔怕色琦嘅巫術，就攞住劍迫色琦解除佢手下中咗嘅咒。色琦唯有幫佢哋解咒。後嚟色琦色誘奧德修斯同佢啲手下，仲令佢哋喺色琦島留低咗一年咁耐，期間兩方化敵為友。而到咗最後，色琦點條航線畀奧德修斯行，教佢哋去搵先知泰里西亞斯。