芝麻卷
芝麻卷，全名黑芝麻卷，係香港特色甜品之一，即使喺酒家亦幾乎見唔到芝麻卷嘅蹤跡。芝麻卷使用黑芝麻、冰糖同馬蹄粉做成粉漿，蒸好後再捲起而成。佢賣相係黑色一卷卷，有啲似小型黑色布匹綢緞，亦因為似一卷曝光菲林，又叫「菲林卷」。芝麻卷係滿漢全席中第一宴席嘅其中一道菜式。通常做芝麻卷會卷七圈，每一圈都好平均，咬落去以有彈牙清涼為佳。除咗味黑色芝麻卷之外，重有橙色嘅加入橙汁味嘅芝麻卷。
芝麻卷係1970年代至1980年代中香港嘅酒樓常見嘅甜點之一，但而家已經好少見到。
做法
[編輯]先將芝麻粉加入水攪成芝麻水，將部份芝麻水加入馬蹄粉同粟粉度，用力攪成幼滑糊狀。將淨低嘅芝麻水煮滾，然後加砂糖煮到糖溶，迅速倒入先前嘅芝麻糊內，然後攪勻。 預備已搽油嘅長方型鐵盤，倒入一層薄薄嘅芝麻卷混合液，隔水大火蒸約五分鐘，用手卷起蒸熟嘅芝麻片，切成適合食用嘅長短度即成。