芬治大道

地理位置（多倫多部分）

芬治大道東嘅一處古蹟

芬治大道東喺愛靜閣區嘅一個華人商場仔

夾央街路口，打橫見到嘅係芬治大道西，左上到右下係央街

芬治大道西嘅 Finch West 地下鐵站

芬治大道（英文：Finch Avenue）係加拿大多倫多北部打橫嘅一條大街，北面對上一條大街係最北嘅士刁大道，南面對落一條大街係雪柏大道。

同好多喺多倫多打橫嘅大街一樣，條街分東西兩截，央街以東叫芬治大道東（Finch Avenue East），央街以西叫芬治大道西（Finch Avenue West），芬治大道東行嘅係39號巴士，芬治大道西行36號巴士。

佢沿途有兩個地下鐵站，分別係夾央街嘅 Finch 站 同芬治大道西夾 Keele 嘅 Finch West 站，但係因為1號綫係 U 字形，雖然兩個地鐵站之間搭巴士只需要半個鐘，搭地鐵反而要幾乎兩個鐘。