花石綱
花石綱係指北宋末年專門幫宋徽宗（宋朝第八個皇帝）運輸珍奇花、異草、名木、奇石去滿足佢既特殊喜好既艦隊。喺北宋，「綱」係指一個貨物運輸團隊，十艘貨船就叫一個「綱」。
概要
[編輯]宋徽宗有一定既文學同埋畫畫天賦，佢鍾意繪畫、建築、花園。佢叫童貫、蔡京同埋後嚟蔡京推薦既朱勔，去採購園林造景用既奇花、名木、奇石（例如太湖石）。
採購既地點主要係江南一帶，任何俾佢哋睇中既嘢都會俾佢哋低價買入，甚至就咁攞走，然後通過運河或者陸路運去首都開封。
問題
[編輯]- 陸路運輸既時候，妨礙到佢哋既任何私人住屋都會俾佢哋強拆。
- 運河運輸既時候，任何阻住佢哋既橋樑都會俾佢哋強拆。另外，運河被佢哋佔用咗，阻礙咗其他正常既河運。
- 喺運輸既過程裏面，為咗保留啲嘢既原始形狀，啲嘢要成件包裝，運輸困難度同埋需要花費既時間都好多，對其他民眾造成不便，引起民憤。
呢啲採購方式同埋運輸所需既大量成本同埋勞動力引起咗公眾既不滿。結果江南地區爆發咗「方臘之亂」既農民起事。宋欽宗即位之後，將朱勔、蔡京、童貫三個人定罪，將佢哋放逐，之後蔡京病死咗，朱勔、童貫兩個人俾欽宗處死咗。
水滸傳
[編輯]明朝小說《水滸傳》以北宋末年做古仔既背景，個古仔講到青面獸楊志押送花石綱既時候翻咗船，啲貨跌咗落江，唔敢返去京城覆命，四處流浪。而古仔裏面，方臘既叛亂亦都係同對花石綱既不滿有關。
《水滸傳》裏面花石綱古仔既原形係《大宋宣和遺事》，《大宋宣和遺事》講到「先有朱勔者，因蔡京以進。上頗垂意花石，勔初才致黃楊木三四本，已稱聖意。後歲歲增加，遂至舟船相繼，號作花石綱。」