中國小說
(由明朝小說跳轉過嚟)
「小說」呢個詞出自《莊子—外物》：「飾小說以干縣令，其於大達亦遠矣。」，入面「小說」係指濕碎嘅講話、細嘅道理，後尾先演變出而家講人物故仔嘅意思。
中國最出名嘅四大小說，分別有《紅樓夢》、《水滸傳》、《三國演義》同《西遊記》。
中國小說全盛時期係明朝。最大嘅特色係「章回小說」，寫作形式已經好完整，影響咗清朝、民國同埋依家。至於題材同埋內容方面，主題主要係歷史、言情、神怪、神魔、公案等。 例如《水滸傳》嘅題材係來自北宋末年嘅宋江起義。當時出名小說有《三國演義》、《西遊記》、《水滸傳》、《金瓶梅》，後人叫呢四套書做「四大奇書」。
去到清朝，清朝繼承咗明朝小說嘅光輝，而且更加燦爛、輝煌，其中《儒林外史》、《聊齋誌異》、《紅樓夢》可以話係喺文壇度獨樹一幟、傲視群雄。
