英國海外屬土公民護照

英國海外屬土公民護照（British Overseas Territories Citizen Passport）係英國政府簽發畀佢啲殖民地屬土居民嘅護照。

1981年英國國籍法

根據1981年英國國籍法嘅規定，英國同佢嘅殖民地公民（英國國民）就分咗三類：

• 英國公民（British citizens）

佢哋有英國本土（包括海峽群島同萌島等）居留權同有關嘅英國國民。

• 英國屬土公民（British Dependent Territories citizens）

佢哋英國嘅殖民地居留權同有關嘅英國國民。

• 英國海外公民（British Overseas citizens）

其他嘅英國國民。

以上人士之外重有其他英國國籍。好似晌1983年前已經出咗嘅非英國同埋其殖民地公民，例如英籍人士（British Subject）同受英國保護人士（British protected person），重有1985年後先有嘅英國國民（海外）身份。

2002年英國海外屬土法

喺2002年2月26號起，英國屬土公民身份就轉咗名做英國海外屬土公民身份（British Overseas Territories citizenship）。另外，根據呢條例，除咗塞浦路斯英屬基地區嘅英國海外屬土公民之外，大部份英國海外屬土公民都可以用呢條例嘅第 4A 或第 5 章攞到英國公民身份。

英國屬土公民護照與香港

香港喺英國管治嗰時，英國政府簽畀香港居民，係英國屬土公民護照。當時英國屬土公民護照，係冇英國居留權。一九八四年，中華人民共和國同英國，簽咗中英聯合聲明，訂明一九九七年七月一號起，英國唔再管治香港，英國屬土公民護照失效。香港政府就響一九八五年十月十七號宣佈，英國屬土公民護照，會喺香港主權移交後失效，為咗解決護照問題，香港政府改發英國國民（海外）護照。持有護照者，終身有效，但仔女無權繼承。