英國國民(海外)護照

出自維基百科,自由嘅百科全書
跳去: 定向搵嘢
無居英權嘅英國護照封面

英國國民(海外)護照British National (Overseas) Passport,簡稱BN(O))係英國香港主權交畀中華人民共和國之前,簽發畀香港居民嘅護照。香港嘅BNO登記程序喺1997年回歸之後終止,唔再接受新申請,因此而家只限回歸之前申領過嘅香港人續期,目前大概有340萬香港人持有BNO護照。

歷史[編輯]

1984年中國同英國簽咗中英聯合聲明。之後無幾耐,英國響1985年定咗條香港法案(Hong Kong Act),規定香港居民喺1997年7月1號後,唔可以繼續享有英國屬土公民嘅地位,無英國居留權,亦都唔可以繼續用英國屬土公民護照。但為咗畀香港人響主權移交後都可以方便咁旅遊同同英國保持某種關係,英國就同香港居民簽發英國國民(海外)護照。呢本護照響1997年之後都有效。

啱資格嘅香港居民,要響1987年7月1997年6月30號期間,去申請英國國民(海外)護照。1997年7月1號後,只有嗰啲原本攞咗呢本護照嘅人,先可以換領新護照。呢批人大部分亦都可以拎埋香港特別行政區護照,只有少數人,大部分係印巴血統,少數部分係東南亞出世嘅華裔人士,由於佢哋無中國國籍,唔拎得香港特別行政區護照。

由於申請英國國民(海外)護照一定要有有香港英國屬土公民嘅地位,1996年申請歸化英藉最後期限,有成數以萬計香港人湧到灣仔告士打道入境處總部排隊辦手續,人龍由日至夜延綿不絕,龍尾排到灣仔運動場,更有人發生爭執,成為當時大新聞。

申請[編輯]

2013年3月1號開始只接受郵遞申請,要喺網上填申請表同用信用咭畀錢,然後將以下文件寄去英國護照署[1]。地址係:Her Majesty’s Passport Office(ONL–OVS), PO Box2001, Liverpool, L693FA, United Kingdom

申請要嘅文件:

  • 網上申請表格列印本,並喺聲明書(Declaration form)度簽名;
  • 一個月之內影嘅相同正面近照兩張(唔好戴眼鏡、唔可以笑)[2]
  • 原有嘅英國國民海外(BNO)護照正本,唔接受影印本;
  • 香港永久性居民身份證雙面彩色影印本;
  • 其他唔係英國護照全份彩色影印本,例如香港特區護照,無論有冇給過印,都要由第一頁開始影印到最後一頁;
  • 一份日期喺一年之內嘅文件正本,以證明姓名、地址同居留權,可以用以下文件:
    • 簽證或居留許可證(或彩色影印本)
    • 稅務紀錄,例如:由政府税務局發出嘅信
    • 教育紀錄,例如:學校報告
    • 就業紀錄,例如:僱主正式發出嘅信
    • 由中央、地區或地方政府部門發出嘅信(例如:差餉物業估價署嘅徵收差餉嘅信)
    • 洗禮或命名證書
    • 醫療/保健卡
    • 選民證
    • 父母死亡證明(如果啱用)
    • 出入境證件
    • 銀行發出嘅信

如果英方通知有文件唔齊,一定要喺6個禮拜之內補交,唔係嘅話申請就會被撤銷,亦唔會安排退錢。

一般申請人可以豁免填副署人嗰一欄,不過如果7年以上無續期、嗰樣有好大變化、BNO護照唔見咗或者損毀、個人資料有重大改變等,申請人就要有副署人簽名。副署人一定要識咗申請人兩年或以上、持有英國或歐盟護照(BNO護照都得),或者係認可嘅專業人士,例如法官、議員、太平紳士、律師、醫生、會計師或有專業資格嘅老師等。副署人要喺申請人嘅聲明書填寫有關部分,屋企人唔可以互相做副署人。

需時同費用[編輯]

英國政府收到申請之後大概需要6個禮拜處理,如果官方要求申請人補充資料,或者張相唔啱,可能需要更長時間處理申請,費用[3]如下:

申請費 運費 總計
32頁護照 83英鎊 19.86英鎊 102.86英鎊
48頁護照 91英鎊 19.86英鎊 110.86英鎊

更新[編輯]

呢種英國國籍身份係終身有效,就算本護照過咗期,只要響1997年前已經開始持有呢款護照,個身份都會一路跟身。

繼承[編輯]

英國國民(海外)身份唔可以畀落下一代。唯一例外係2004年2月3號之後出世嘅印度血統人士仔女,如果佢父母只係持有英國國民(海外)身份,無中國國籍,又無喺限定時間內拎到印度國籍,咁呢啲人可以由父母度繼承英國國籍,並登記成英國公民。

唔使簽證國家同地區[編輯]

2010年3月26日來講,有成114個國家或地區免咗BN(O)護照持有人簽證。包括阿爾巴尼亞安圭拉安提瓜和巴布達阿根廷阿魯巴奧地利巴哈馬巴林孟加拉巴巴多斯比利時伯利茲百慕達博茨瓦納巴西英屬印度洋領地英屬維爾京群島加拿大開曼群島智利哥倫比亞曲克群島哥斯達黎加克羅地亞庫拉索捷克共和國丹麥多米尼加(聯邦)、東帝汶厄瓜多爾福克蘭群島法羅群島斐濟芬蘭法國岡比亞德國直布羅陀希臘格陵蘭格林納達關島海地洪都拉斯匈牙利冰島印尼愛爾蘭共和國以色列意大利牙買加日本約旦基里巴斯南韓科威特萊索托列支敦士登盧森堡馬拉維馬來西亞馬爾代夫毛里求斯墨西哥密克羅尼西亞聯邦黑山蒙特塞拉特納米比亞荷蘭新西蘭尼加拉瓜紐埃北馬里亞納群島挪威巴布亞新幾內亞巴拉圭秘魯菲律賓皮特凱恩群島波蘭葡萄牙薩摩亞聖馬力諾塞爾維亞共和國塞舌爾新加坡所羅門群島南非西班牙斯里蘭卡聖赫勒拿聖克里斯多福與尼維斯聖盧西亞聖文森特和格林納丁斯荷屬聖馬丁斯威士蘭瑞典瑞士泰國湯加特立尼達和多巴哥突尼斯特克斯與凱科斯群島圖瓦盧英國烏拉圭瓦努阿圖梵蒂岡委內瑞拉西薩摩亞贊比亞津巴布韋

睇埋[編輯]

出面網頁[編輯]

參考[編輯]

  1. "Overseas British passport applications". GOV .UK. 23 January 2014. 喺23 January 2014搵到. 
  2. BNO 續領教學短片
  3. "Reduction in passport fees for UK citizens overseas". GOV.UK. 13 March 2014. 喺17 March 2014搵到.