湯加
湯加，全名湯加王國，係大洋洲一國，西面係斐濟，首都係努庫阿洛法。
名[編輯]
「湯加」其實唔係一個貼切嘅譯名，因為如果按照湯加話發音，應該讀成/tʰon-ŋa/而唔係/tʰoŋ-ga/。
史[編輯]
3000幾年前，波利尼西亞人響湯加塔布島定居[1]。響1845年至1893年，湯加成為咗一個獨立國家，又廢除咗奴隸制，制定現代憲法，德國、英國同美國都承認湯加獨立。
1900年，湯加成為英國嘅保護國，一切外交事務由英國領事處理，佢又對湯加嘅財政有否決權。響1970年，湯加攞番內政同外交嘅全面控制權。
政治[編輯]
響1993年嘅選舉，支持民主嘅代表贏咗9席空缺入面嘅6席，但係湯加仍然係君主制國家。
響湯加國王陶法阿豪·圖普四世病逝之後[2]，王儲圖普托阿繼位，佢話會將權力交畀國會，放棄權力，走向民主。
軍事[編輯]
湯加嘅防衞力量有國防軍同另外大約310個警察。
湯加國防軍由450個士兵組成，分3個作戰指揮單位同兩個勤務支援單位（後勤部隊、訓練小組）組成。
傳媒[編輯]
湯加電視臺總共八個記者，面臨資金短缺、設備老化等問題[3]。
郵政[編輯]
湯加係世界上最早發行圓形郵票嘅國家，喺1963年發行。之後又推出咗各種形狀嘅五花八門嘅郵票，材質亦唔限於紙，有鋁製郵票。好有創意，但係當地人唔感興趣[4]。
