英雄情淚保山河

《英雄情淚保山河》（粵拼：jing1 hung4 cing4 leoi6 bou2 saan1 ho4）（英文：The Hero's Tear）係1964年嘅一齣黑白粵語戲曲，由陳焯生執導，鄧碧雲、鳳凰女、李香琴、李鳳聲領銜主演。本片有兩大特色，第一係全女班演出，第二係女文武生朱秀英第一次初拍電影。

情節

番邦侵晉，番王兄妹睇中晉國丹鳳宮主同參軍龍秀雲，用屠城來要脅，要結鴛盟。晉將虎嘯風計劃喺番營埋下炸藥，打算喺大婚嗰日殺敵。秀雲、丹鳳誤會嘯風賣國求和，無奈之下唯有應承婚事，重部署反擊可惜唔成功，嘯風喺危急之際引爆炸藥，令番兵潰不成軍。