莊·繆亞

出自維基百科,自由嘅百科全書
Jump to navigation Jump to search
1912年時嘅莊·繆亞

莊·繆亞粵拼zong1 miu6 aa3(繆讀妙;英文John Muir音標[d͡ʒɔːn mjʊəɾ]1838年4月21號1914年12月24號)係蘇格蘭出世嘅美國作家、博物學家,係美國早期環保運動領袖。佢有好多信、文章、書係寫佢嘅自然探險,特別係其中尼華打山英文Sierra Nevada (U.S.)嘅部分廣為流傳。佢發起環保運動,喺佢努力之下,諸如優勝美地谷美洲杉國家公園呢啲自然保護區都陸續成立。佢創辦嘅山脈社中文塞拉俱樂部係美國有名嘅環保組織。因爲佢嘅貢獻,尼華打山有條登山道起名爲莊繆亞登山道英文John Muir Trail

佢後生時喺黃石度受嗰啲湖光山色感動,喺佢嘅下半世,就致力保護美國西部嘅森林。佢向美國國會提出設立國家公園法,呢部法律後來喺1890年通過,隨即優勝美地、美洲杉設立國家公園。佢嘅作品、思想好大程度上影響咗現代環保運動,譽爲「國家公園之父」。