莫斯科州

莫斯科州
旗幟 徽章
國家	俄羅斯
分區	俄羅斯
建立	1929年1月14號
政府
• 阿頭	Andrei Vorobyov
面積
• 總計	45,800 平方公里（17,700 平方英里）
人口（2021年1月1號）
• 總計	7,708,499
• 密度	170/平方公里（440/平方英里）
電話字頭	495、496、498
網站	mosreg.ru

莫斯科州（俄文：Московская область，羅馬化：Moskovskaya Oblast）係俄羅斯聯邦其中一個聯邦主體，屬於中央聯邦區。面積44,329平方公里，人口878萬。

雖然法律上冇講死呢個州嘅行政中心喺邊度，但係實際上係喺莫斯科市（莫斯科市其實唔屬於莫斯科州）。一啲州政府機構就設咗喺克拉斯諾戈爾斯克市。論人口，莫斯科州喺所有聯邦主體中排第二，僅次莫斯科市。

莫斯科州位於東歐平原中部，位處伏爾加河、奧卡河、克利亞濟馬河同埋莫斯科河流域。佢嘅邊界係咁嘅：西北同北面接壤特維爾州，東北及東面就同弗拉基米爾州接壤，東南面接壤梁贊州，南面就對住圖拉州，西南面對住卡盧加州，西面接壤斯摩棱斯克州，中部就同俄羅斯首都莫斯科市接壤。另外，北部亦有細段邊界同雅羅斯拉夫爾州相連。莫斯科州喺1929年10月1日根據全俄中央執行委員會1929年1月14日嘅決議成立。佢嘅範圍包括咗原有莫斯科、特維爾、圖拉及梁贊等咁多個省份，核心部分就係1708年設立嘅莫斯科省。最初新地區諗住叫做「中部工業州」，但係根據1929年6月3日嘅決議，最終改為「莫斯科州」。

莫斯科州轄下有48個州直轄城市（部分包埋行政區域）、3個州直轄市鎮（包埋行政區域）同埋5個封閉行政區劃單位。如果講市政劃分，莫斯科州係包括咗42個城市區同埋14個市政區。雖然莫斯科州係以莫斯科命名，但莫斯科市本身係俄羅斯聯邦另一個獨立主體，並唔屬於莫斯科州。莫斯科州嘅政府機構分布於莫斯科市同埋莫斯科州境內。2007年，大部分嘅行政機構搬到去生起嘅莫斯科州政府大樓，呢座大樓位於克拉斯諾戈爾斯克市，距離莫斯科邊界只係得350米。