華中師範大學（粵讀：waa4 zung1 si1 faan6 daai6 hok6；英文：Central China Normal University或者Huazhong Normal University），簡稱華中師大、華大、華師，係直屬中國教育部嘅綜合性師範大學，係間百年老校，喺湖北省武漢市，屬於211工程院校（卽係重點大學）。
間大學位於湖北武漢武昌（洪山區）桂子山南坡，隔離就係武漢東湖，臨近武漢東湖新技術開發區，佔地2000幾畝。佢作為211工程院校，係間重點大學，包含喺中國教育發展戰略入面，專門培養初高中老師、高級專門人才，係國家級嘅重要高校。