葉蘊妍
| 葉蘊妍 | |
|---|---|
| 出生日 | 1980年1月15號  （44歲） |
| 出生地 | 香港 |
| 國籍 | 香港 |
| 職業 | 士碌架運動員 |
[改維基數據] | |
葉蘊妍，MH（英文：IP Wan-in Jaique，1980年1月15號—）[1]，花名阿菲或大師姐，係香港全職英式桌球員。
簡歷
[編輯]早年就讀潔心小學同潔心林炳炎中學。2000年嘅暑假，葉蘊妍跟住男同學去桌球室打波而開始接觸桌球。商科畢業之後，佢為咗爭取更多練習嘅機會，就去球會做駐場主任，時時要幫球會「戥腳」（做客人嘅臨時對手），輸球就要畀「波鐘錢」，所以時時都要貼錢打工，直至到2009年，佢成為咗香港精英運動員之後，就享有固定津貼，同實報實銷練習嘅場租[2]。
2004年，佢喺朋友介紹下搵到港隊名將區志偉指點球技，由基本功夫學起，只係學咗兩個月就喺第一屆香港女子桌球公開賽奪得冠軍。2007年，佢正式轉做全職桌球手[2]。
代表中國香港參加2010年亞洲運動會，伙拍吳安儀同蘇文欣奪得女子英式桌球6個紅球團體金牌。
榮譽
[編輯]- 香港特區政府嘉獎
- 「香港最具潛質運動員」（2007年）
- 「香港最佳運動組合」－ 香港女子桌球隊（2010年）
參考
[編輯]- ↑ 〈2010年廣洲亞運會官方網站 台球 - 葉蘊妍 - 簡歷〉。原著喺2019年2月9號歸檔。喺2018年10月18號搵到。
- ↑ 2.0 2.1 星之約會：桌球天后鬥紅健體嬌娃 互聯網檔案館嘅歸檔，歸檔日期2009年8月31號，. 《蘋果日報》2009-7-28
- ↑ 〈二〇一一年授勳名單〉 (新聞稿) (繁體中文)。香港政府新聞公報。2011年7月1號。
出面網頁
[編輯]
 |