蘇文欣
| 蘇文欣 | |
|---|---|
| 國籍 | 香港  |
| 母校 | 中華基督教會協和書院 |
| 職業 | 運動員 |
[改維基數據] | |
蘇文欣，MH（英文：SO Man-yan，1981年11月24號—）係香港士碌架運動員[1]。
簡歷
[編輯]蘇文欣喺小學時期已經開始跟住老豆喺慈雲山海龍會桌球場打波，中學時期喺協和書院讀書，主要同女同學切磋球技，中學畢業之後，佢修讀海外大學課程，2007年開始搵香港隊嘅教練陳楚君學藝，之後就全力投入桌球事業，曾經參加中國桌球排名賽[2]。2008年12月，蘇文欣出戰2008紳迪盃亞洲(深圳)桌球公開賽，呢次係佢第一次代表香港參加大賽，亦係佢第一次同男球手進行正式賽事[2]。
喺大學畢業之後，佢係一直靠積蓄同做兼職嚟支持佢嘅桌球事業，直至到2009年做咗精英運動員，經濟壓力先至能夠得到紓緩[3]。
2017年1月，蘇文欣參加喺英國舉行嘅女子桌球大師賽，桌球生涯第一次打入職業賽決賽。佢喺決賽對戰世界冠軍英國名將伊雲絲，最後以0比4輸咗，得到亞軍[4]。
個人榮譽
[編輯]參考
[編輯]- ↑ 楊宇翹 (2017-02-18)。〈【我的名字．蘇文欣】沒有起跑線的桌球 拒做「怪獸」的媽媽〉。《香港01》 (繁體中文)。
- ↑ 2.0 2.1 〈港桌球隊首派女將爭紳迪盃 《文匯報》2008-12-10〉。原著喺2019-07-24歸檔。喺2018-10-18搵到。
- ↑ 蘇文欣無悔桌球路 吳安儀生日特別旺 《太陽報》2010-11-15。
- ↑ 〈【女子桌球大師賽】蘇文欣奪亞創最佳 吳安儀倒灶八強止步〉。《體路》。2017-01-16。原著喺2017-11-03歸檔。喺2018-10-18搵到。
- ↑ 〈二〇一一年授勳名單〉 (新聞稿) (繁體中文)。香港政府新聞公報。2011年7月1號。
 |