葛飾北齋
葛飾北齋（日文：葛飾北斎，假名かつしか ほくさい；英文：Katsushika Hokusai；1760年10月31號—1849年5月10號，即係寶曆十年九月廿三至嘉永二年四月十八），或者就咁叫北齋（英文：Hokusai），幼名時太郎（Tokitarō），係日本一畫師，至叻浮世繪、版畫、唐畫。北齋生喺江戶時代，喺江戶出世。佢至出名嘅作品係一輯《富嶽三十六景》，約莫1831年畫成。呢個作品當中，1820年嘅《神奈川沖浪裏》，更加係世界知名。
之所以有《富嶽三十六景》，係當時日本國內，興周圍旅行，而佢亦極之鍾情富士山。除咗《神奈川沖浪裏》，《凱風快晴》都一樣咁出名。北齋之前有好多畫，但呢輯令到佢廣受推崇，而且影響世界畫壇。
