葡京人綜合渡假村

出自維基百科,自由嘅百科全書
  想搵第二個意思嘅話,請睇葡京 (搞清楚)

澳門葡京人(Lisboeta Macau)係澳門主題公園渡假村股份有限公司喺澳門路氹城起嘅大型度假村,近澳門東亞運動會體育館上葡京,佔地10.6萬平方米,總建築面積有14.1萬平方米。曾先後提出起Jockey Club Hello Kitty主題樂園。項目經多次延後同更改,項目喺2018年8月平頂,其後公佈項目名為葡京人綜合渡假村。董事何猷亨表示呢幾年嚟澳門落成嘅主題度假村欠缺澳門經典元素,呢個項目希望以新形式延續澳門人嘅集體回憶,重塑澳門面貌。

由2020年12月20號開始,借出酒店畀政府作為「自選醫學觀察酒店」提供有需要人士自費入住,喺借用為「自選醫學觀察酒店」期間,葡京人酒店嘅餐飲、零售同娛樂項目將唔會對外開放。原本打算同澳博嘅上葡京一齊喺2020年開幕,但係兩者都因為武漢肺炎而要延長至2021年初先開幕。

2021年6月23號,澳門主題公園渡假村有限公司透過新聞稿表示,7月17號開始部分設施將會率先開放[1]

此架步現時冇賭場,將來可能會開翻間。[2][3]

結構[編輯]

度假村大樓有12層高,設有三個酒店品牌,提供合共820間客房。包括葡京人酒店、全球首間以LINE FRIENDS作為主題嘅酒店和全球第一間L'OCCITANE酒店。而建築細節會參考澳門嘅經典建築物,例如愛都酒店、皇宮娛樂場同新中央酒店等。

葡京人酒店[編輯]

以現代風格設計呈現1960年代澳門舊風貌,設有574間客房。

武漢肺炎影響,由2020年12月19號起,呢間酒店畀澳門政府作為自選醫學觀察酒店之一。

LINE FRIENDS 主題酒店[編輯]

LINE FRIENDS主題酒店提供82間客房同套房,分為3種唔同特色嘅主題客房,包括「LINE FRIENDS主題房」、「BROWN主題房」同「CONY主題房」。

L'OCCITANE 酒店[編輯]

全球第一間以國際出名天然護理品牌L'OCCITANE為設計藍本嘅主題客房,設有164間客房同套房,以品牌嘅發源地—法國南部普羅旺斯作為設計主題。

設施[編輯]

購物商場設有100間商店,有仿舊葡京外觀嘅「鳥籠」裝飾,牆身以LED燈點綴住澳門獨特風景,展現出新穎澳門印象,又以戶外懷舊街景同室內未來場景為主題,另外亦設有全球首個結合震撼視覺元素,全長388米長,一共設有5條滑翔道嘅高空滑索、12米高嘅室內跳傘館Indoor Skydiving同埋集IMAX影院同MX4D影院,合共9間影院提供大約1,200個座位嘅英皇戲院[4]

澳門皇宮[編輯]

「澳門皇宮」參照當年第一艘以「賊船」成名嘅「皇宮娛樂場」而建設,呈現中國宮廷氣派。

參考[編輯]

  1. "Lisboeta Macau to open first attractions on 17 July". IAG (英文). 2021-06-24.
  2. 氹澳門主題公園動工建酒店 空置逾10年 梁安琪:一兩月後交代詳情 - 20180730 - 報章內容. (英文). 喺2022-05-20搵到.
  3. 博蘇樹輝:接手鑽石娛樂場 集團自行經營 - 20210718 - 報章內容. (英文). 喺2022-05-20搵到.
  4. 門葡京人度假村|3間主題酒店、高空滑索、室內跳傘. GOTRIP - 澳門. 2020-07-21. 喺2020-10-07搵到.