蒙地賀問題

蒙地賀問題（粵音：mung4 dei6 ho6 man6 tai4，英文：Monty Hall problem），又嗌做山羊問題（saan1 joeng4 man6 tai4）同埋三門問題（saam1 mun4 man6 tai4），係個嚟自博奕論嘅數學遊戲問題，呢個問題亦係由美國嘅電視遊戲節目《Let's Make a Deal》（粵語意思：我哋嚟做場交易啦）度衍生出嚟嘅。

條問題係噉樣嘅：

假設你喺度參加緊一個遊戲節目，你畀主持人要求喺三道門入面揀一道嚟開：其中一道門後面係架車嚟；淨低嗰兩道門後面係山羊嚟。你揀咗一道門，假設係一號門，跟住知道門後面有啲乜嘅主持人，開咗另道後面有山羊嘅門，假設係三號門。然後佢問你：「你會唔會轉去揀二號門？」而如果轉嘅話，會唔會易啲贏到架車返嚟呢？

呢條問題畀《健力士世界紀錄》智商紀錄保持人瑪莉蓮禾斯莎雲破解咗，佢話參賽者應該轉，轉第道門嘅話，贏到架車嘅機率係2/3，足足係唔轉門嘅兩倍。亦因為噉，呢條問題畀人嗌做蒙地賀悖論：因為問題條嘅答案雖則喺邏輯角度嚟講係啱嘅，但係極之違反人類直覺。

三囚問題（saam1 cau4 man6 tai4）（Three prisoners problem）係呢條題嘅另一個版本，原理同呢條題似到十足十，1959年出現喺馬田加特拿嘅《數學遊戲》專欄入面，跟手畀人改編做唔同語言版本。

睇埋

生日悖論

拎

中文網站
- Monty Hall猜獎遊戲 （解釋同模擬）
- YouTube中文片解釋蒙地賀問題

呢篇同數學相關係楔位文。歡迎幫維基百科擴寫佢。