藍箭

藍箭係中國大陸嘅一款高速火車，宜家停駛緊。藍箭有好多嘢好似歐洲火車，例如成抽車由一架電力火車頭拖住。

藍箭用交流電摩打，唔同以前啲車頭咁用直流電摩打。中華人民共和國鐵道部喺2000年向法國買咗VVVF牽引變流器畀藍箭用，可以跑時速200公里；試車嗰陣重去到238公里。

藍箭用嘅車頭由株洲電力機車造，載客車卡由長春軌道客車造，一共整咗8抽。批車由新車落地開始，透過廣州中車，全部租晒畀廣深鐵路用，喺2001年開始載客。隨著「和諧號」喺2007年開始載客，廣鐵喺2007年7月將批「藍箭」全部調晒畀坪石至韶關線。

至到2008年1月，全部8抽藍箭已經唔載客，等緊租畀成都鐵路局，最快會喺2月中運去重慶。[1]

有人話，藍箭係模仿X2000造出嚟嘅，例如用嘅牽引摩打都係Adtranz貨。