藏經洞基督像

出自維基百科,自由嘅百科全書
Jump to navigation Jump to search
藏經洞基督像
英文: Fragment of a Christian Figure
T'ang dynasty Nestorian image of Jesus Christ (Original version).jpg
畫家 未知
時間 公元9世紀
類型 絹畫
尺吋 88 × 55 cm, 35 × 22 in
位置 倫敦大英博物館

藏經洞基督像》(英文Fragment of a Christian Figure)係莫高窟藏經洞所出嘅唐朝景教基督像絹畫[1],已殘破,現藏大英博物館

概述[編輯]

呢幅畫作繪製於公元9世紀末[2],1908年畀匈牙利籍英國考古學家斯坦因英文Aurel Stein發現於莫高窟第17窟,即藏經洞。據京都大學教授羽田亨日文羽田亨考証,「敦煌出土嘅應為基督畫像嘅絹畫斷片…… 大概為敦煌地方唐代畫家接受景教司祭或教徒嘅訂貨,按其意願或其他參考材料畫成。」有「景教博士」之稱嘅佐伯好郎日文佐伯好郎亦主張此像乃景教嘅耶穌像[3]

根據北京大學考古文博學院教授林梅村及匈牙利羅蘭大學英文Eötvös Loránd University講師宋妮雅(Buslig Szonja)嘅研究,佢哋認為呢幅基督畫像喺很多方面都刻意模仿波斯薩珊王朝時代嘅塔奇·博斯坦岩石浮雕英文Taq-i Bustan神像。比如兩者都有頭光,佩戴類似項圈,甚至基本姿勢都好相似。由此推測,呢幅基督像很可能係以波斯宣教士阿羅本英文Alopen帶至長安嘅聖像為底本摹繪[註 1][1]。但呢幅畫亦有濃郁嘅唐代佛畫風格,佛教藝術型式畀採納為基調。

《大秦景教流行中國碑》上嘅十字蓮花紋飾

幅畫初頭睇落似一幅菩薩像,但仔細睇面部會發現有異於中土嘅西式特徵,鬍鬚同鄂鬚都係赤茶色,同菩薩通常嘅綠色鬍鬚完全唔同,顯示出該畫屬於另一種宗教[2]。畫中人物為四分之三身像,佩戴有十字蓮花裝飾嘅頭冠及墜有十字架嘅項圈,頭冠同項圈上嘅十字架邊緣為水滴狀,而十字蓮花呢種符號亦見於《大秦景教流行中國碑中文大秦景教流行中國碑》。人物右手結安慰印(Vitarka Mudrā[註 2]),左手持遊行用嘅十字架長杖。除咗十字架,人物所戴頭冠亦好特別。呢個係一種羽翼頭冠,源自貴霜-薩珊英文Kushano-Sasanian Kingdom藝術,象徵主權。披喺膊頭嘅捲髮就令人諗到犍陀羅藝術英文Gandhara art中嘅佛像[4]

此像身披黃色襯裏嘅紅色披肩,其下着綠衣,但已褪色,同背景顏色相近。長至手肘嘅衣袖飾有規則嘅皺褶紋樣,手腕上戴一金色手鐲。頭光有細小嘅火燄帶,閉合嘅唇綫拉着墨綫,兩端稍微往下翻卷。整幅畫嘅背景裝飾散落嘅小花,可能係為咗增強宗教嘅神聖性,並有「奉愛英文Bhakti」之意[4]

畫廊[編輯]

[編輯]

  1. 《大秦景教流行中國碑》載:「大秦國大德阿羅本,遠將經像,來獻上亰。」呢度嘅「像」畀認為係指基督教嘅聖像(參考《景教藝術在西域之發現》一文)。
  2. Vitarka Mudrā」係梵文,英譯「Gesture of Discussion」,中譯名重有「推究印」、「說法印」、「名心印」、「轉法輪印」等等,表示講解教法或詮釋教義嘅姿態。

[編輯]

  1. 1.0 1.1 林梅村; 宋妮雅 (2007年1月31號). "景教藝術在西域之發現". dsr.nii.ac.jp. 喺2018年7月7號搵到. 
  2. 2.0 2.1 "Collection online, museum number 1919,0101,0.48". British Museum (用英文寫). 喺2018-07-07搵到. 
  3. 龔天民 (1960). 唐朝基督教之研究 (PDF). 香港: 基督教輔僑出版社. 第 7(PDF頁數)頁. 喺2018年7月7號搵到. 
  4. 4.0 4.1 Parry, Ken (1996). "Images in the Church of the East: The Evidence from Central Asia and China" (PDF). Bulletin of the John Rylands Library (用英文寫). Manchester: John Rylands University Library. 78 (3): 160. 喺2018-07-03搵到. 

睇埋[編輯]

出面網頁[編輯]