藝術家駐留計劃

藝術家駐留計劃（英文：artist-in-residency），簡稱駐留（residency）係指藝術家去某一個唔係自己平常住或者做嘢嘅地方，去專心做藝術一段時間。呢啲藝術家喺駐留嘅地點做嘢嗰陣叫駐留藝術家（artist-in-residence）。

正式嘅駐留有時限性（例如限一年，或者某個夏天），而且通常要申請，批咗之後亦通常有某啲義務，例如做嘢要公開畀人睇、定期或者完咗要開美術展畀人睇整咗乜、作品要部分捐出嚟等等，睇個別駐留計劃會有唔同。

駐留嘅地方可能有一啲平時唔會用到嘅特別設備，可以等藝術家做到一啲平時做唔到嘅嘢；例如如果駐留嘅地點本來係間工廠，可能會有啲好難會有嘅大型工業機器可以用。