藝術組合

  提示：呢篇文講嘅唔係組合藝術。

藝術組合（英文：collective 或者 artist collective），喺藝術，係一種由幾個或者一羣藝術家，為咗某種共同目標自發組成，以整體名義做嘢，但係好多時喺藝術界以外冇正式身份嘅藝術團體；呢種團體冇一個特定嘅中文譯名，按情形有時亦會話係獨立藝術團體、藝術單位、自發組成等等。呢種團體可以係暫時性質，例如為咗參加某個美術展或者藝術展銷會而成立，完咗即刻解散；亦可以係長期運作，期間一路換人。因為佢哋好多時會係冇法人地位嘅非正式組織，有被機構呑併嘅危險。