藥王菩薩

藥王菩薩

藥王菩薩（梵文：भैषज्यराज Bhaiṣajyarāja），又叫淨眼如來，係一個救治眾生身、心兩種病苦嘅菩薩，係二十五大菩薩之一。藥上菩薩，又叫淨藏如來，係藥王菩薩嘅細佬。

藥王、藥上兩個菩薩，經常畀人當係藥師如來嘅兩邊兩侍者一齊供奉，另一個叫法係「日光菩薩」、「月光菩薩」。有時兩菩薩會當係釋迦文佛或者無量壽佛嘅侍者，好比諸佛本同一體嘅美德。

藥王菩薩嘅聖誕喺四月廿八。

淵源

喺過去無量無邊阿僧祇劫，有琉璃光照如來，其國名懸勝幡。琉璃光照如來涅槃之後，喺像法之中，有日藏比丘，聰明多智，同大眾廣說大乘，同佛祖無上清淨平等大慧。當時眾中有星宿光長者，聽到大乘平等大慧，心中好鬼歡喜。用雪山良藥，供養日藏比丘同埋眾僧，並發願以此功德，回向無上菩提。如果有眾生聽到我名者，願佢得滅除病苦。當時長者嘅細佬電光明，都有跟住亞哥拎醍醐良藥供養日藏同各個僧眾，亦發大菩提心，願得成佛。喺嗰陣，大眾贊嘆星宿光長者係藥王，電光明係藥上，即喺藥王、藥上二位菩薩。 此二菩薩久修梵行，諸願已滿，藥王菩薩於未來世成佛，號淨眼如來，藥上菩薩亦成佛，號淨藏如來。

另外說法

• 過去無量恆河沙劫，有日月淨明德如來，佢佛壽命為四萬二千劫。時有一菩薩，名「一切眾生喜見菩薩」，修習苦行，精進經行，一心求佛，經一萬二千歲，證得現一切身色三昧，就食諸香，飲香油，燒自身供養佛一千二百年。命終後復化生喺淨德王家，受日月淨明德如來付囑，喺彼佛滅度，造八萬四千塔。佢自身亦於七萬二千年間，燃臂供養個塔。或謂彼「一切眾生喜見菩薩」，即今藥王菩薩。
• 過去無數劫，有雲雷音宿王華智佛，解說《法華經》。有妙莊嚴國王，夫人名淨德，二子名淨藏、淨眼。其王邪見熾盛信外道之法。夫人同二子就共設種種方便，使王至宿王華智佛所聽聞《法華經》，共得利益。淨藏、淨眼二人即今藥王、藥上二菩薩。

形象

一般菩薩形象，頂戴寶冠，左手握拳於腰部，右手屈臂放喺胸前，而以拇指、中指、無名指執持藥樹。三昧耶形為阿迦陀藥，或為蓮花。

另亦有將神農、岐伯、扁鵲、董杏林、華佗、孫思邈、吳夲等中國歷史人物當係藥王菩薩嘅化身，因此部分地區寺廟供奉嘅藥王菩薩係中年男子嘅形象。