蘇鐵

How to read a taxobox

蘇鐵

最唔使理（Least Concern） (LC)^[1]

物種分類

界	植物界 Plantae
門(Divisio):	蘇鐵門 Cycadophyta
綱	蘇鐵綱 Cycadopsida
目	蘇鐵目 Cycadales
科	蘇鐵科 Cycadaceae
屬	蘇鐵屬 Cycas
種	蘇鐵 C. revoluta

二元學名

Cycas revoluta
Thunb.

蘇鐵（粵拼：sou1 tit3；學名：Cycas revoluta）；第個名係鐵樹（tit3 syu6）或避火蕉（bei6 fo2 ziu1）或鳳尾鐵（fung6 mei5 tit3）或鳳尾蕉（fung6 mei5 ziu1）；佢係蘇鐵科蘇鐵屬嘅常綠喬木，原產地喺中國東南邊，日本琉球群島、菲律賓同印尼。呢種植物重係蘇鐵屬嘅其中一種比較好彩留到而家重響度嘅物種。

名

呢種植物唔係金屬鐵嘅一種，佢之所以帶有「鐵」字嘅名係因為佢嘅木質密度比較大，沉到好似啲鐵噉，如估放落啲水度就沉咗落去喇。加上呢樖嘢喺生長過程入面一定要好多Fe元素先至得。

形態

呢樖嘢同龍血樹一樣都生得好慢吓，因為佢出世之後10幾年以上嘅樹先至開花。而樹幹係短而粗，樹葉比較堅硬兼羽狀分裂，一般生嗮喺莖頂，而線形裂片度有嚿中脈，邊緣向下攣，葉色係深綠，而佢啲葉基嗰度有刺。植種方面，公乸都唔同品種。佢啲花方面，一般生喺莖頂。花公係由好多好多嚿好似鱗片噉嘅雄蕊搞出嚟，而花乸係從一嚿羽毛噉嘅心皮搞出嚟，而心皮下邊重有兩嚿好多粒組成嘅生胚珠。而佢啲核係紅色，稍微有啲扁。

生長環境

佢鍾意有光同鐵素，稍耐半陰嘅靚泥，稍微有酸性嘅泥同比較暖嘅氣候都生得。佢幾禁（kam1）短時間嘅凍冰冰天氣同乾旱，但係唔禁（kam1）＜0℃嘅天氣。^[2]

用途

蘇鐵除咗可以用嚟做盆景樹木之外，重有以下呢啲用途：

藥用價值

蘇鐵係一種漢方藥材，佢啲葉可以用嚟做藥，有散瘀同止血嘅功效。

食用

蘇鐵嘅樹幹入面嘅薄壁細胞度有好多澱粉，磨成粉之後可以食得^[3]。嗰啲嘢俾人話成「西米」。

毒性

蘇鐵嘅核有蘇鐵甙，如估唔小心食咗佢啲核嘅話會搞出抽筋、嘔、肚疴同出血等徵狀。

植物活化石

呢種植物之所以話最古老嘅裸子植物，係因為佢喺3億年前嘅晚石炭紀出現咗，甚至喺中生代嘅侏羅紀嗰時發展得比較犀利。喺1.6——1.9億年前嘅3000萬年入面，蘇鐵類嘅植物同恐龍一齊，都係地球嘅霸王。但係過咗幾億年嘅地質同氣候變遷，恐龍已經絕咗種，加上大多數嘅蘇鐵類植物都變成絕滅物種，重有啲變咗化石都有。而呢樖嘢從恐龍時代一直行到而家為止重響度嘅物種。