蠔油

蠔油

蠔油係用蠔同鹽水煮成嘅醬，深啡色、黏黏哋，中國粵菜經常用到。

歷史

蠔油係1888年喺中國廣東省香山南水鄉由李錦裳意外發明，因為佢原本煮蠔肉畀餐廳客人，不過唔記得熄火，白色嘅蠔汁喺鍋入面濃縮成咖啡色，不過試過味道之後，效果出奇地好。佢創立嘅李錦記亦繼續將蠔油同其他中式調味料推廣到全球。

製法

蠔油做法程序繁多，最重要嘅步驟係用水將鮮蠔煮到理想黏度，呢個步驟亦係最花時間嘅程序，做出優質嘅蠔油應帶有蠔嘅鮮味。

各種蠔油

李錦記素食蠔油

蠔油一般加有味精。

除咗以蠔做材料嘅蠔油之外，亦有以冬菇做嘅「素食蠔油」，以迎合素食者嘅需要。