蠟燭

蠟燭

蠟燭，又叫洋燭，係用蠟或其他燃料製成，中有燭芯，點火之後可以繼續燒嘅用品。

蠟燭一般用嚟照明，但喺電力革命之後逐漸俾電燈取代，而家蠟燭多數係停電時用嘅。節日或其他特別日子同宗教場所等都會用到蠟燭。集會或集體悼念活動，都會用上蠟燭。中國嘅傳統婚禮會點紅燭，以示喜慶；喪禮就點白燭。

原料

蠟燭本來係用動物嘅油脂，通常係牛肥膏或蜂蜜蠟製成。現今通常已改用石油副產品石蠟來整。

史

蠟燭最早喺公元前30世紀嘅古埃及出現，古埃及人將蘆葦插喺融咗嘅牛肥膏製成蠟燭。直到中世紀，南歐同地中海沿岸嘅蠟燭仍然係由牛肥膏同羊肥膏製成。中國南唐時期，南唐烈祖李昪下令以出產喺江浙一帶嘅柏樹油取代動物油製成蠟燭，令佢製作價格大跌，令蠟燭從此喺中國得以普及。

隨住19世紀歐洲發明提煉石油嘅方法，蠟燭逐漸改用石蠟。