西沙路

出自維基百科,自由嘅百科全書
Jump to navigation Jump to search

西沙路Sai Sha Road),原本叫泥涌路Nai Chung Access Road),曾經叫過西沙公路,係香港新界一條公路,駁往西貢沙田以北馬鞍山。佢東起西貢大網仔路麥邊回旋處,北行途經企嶺下十四鄉烏溪沙,轉西南經馬鞍山市中心,到錦泰苑恒德街為止。早期只係到頌安邨恒康街,其後先伸長。西沙路馬鞍山一段,有港鐵馬鞍山綫架空路軌,由烏溪沙站去到恒安站

西沙路唔斜,但有多彎位。

1970年代末期,就開始起西沙路,早期只由大網仔路伸到泥涌,叫泥涌路。喺1986年先改名西沙公路。隨住沙田新市鎮向東北擴展到馬鞍山,到烏溪沙為止,香港政府馬鞍山路恒安邨耀安邨向東伸展,同直達泥涌嘅西沙公路駁埋,令西沙公路延長,並喺1988年通車[1]馬鞍山市中心一段已預留中央空間興建馬鐵 (今港鐵馬鞍山綫)。

西沙路馬鞍山市中心一段,時速限制每個鐘70千米,而西貢大網仔路交匯處起到大埔泥涌帝琴灣止,就降為50,之不過後尾都放寬到70[2]九巴由西貢開出嘅99號綫及299X號綫,都經此路,分別以港鐵馬鞍山綫烏溪沙站沙田市中心為總站。

睇埋[編輯]

參考資料[編輯]

  1. (繁體中文 - 香港) 沙田西貢一線牽 互聯網檔案館歸檔,歸檔日期2008年12月19號,.,「參見將軍」,於2008年12月19日查閱
  2. (繁體中文 - 香港) 香港附屬法例:更改車速限制公告,於2008年12月19日查閱

出面網站[編輯]