西班牙人名

出自維基百科,自由嘅百科全書

西班牙人名,係指西班牙人嘅姓氏命名習慣。西班牙嘅人名由(nombre)同兩個(apellidos)組成,兩個姓分別係父姓(apellido del padre,又叫首姓)同母姓(apellido de la madre,又叫次姓)。

[編輯]

西班牙各地區最常見嘅姓

西班牙人嘅姓由首姓(又叫父姓)+ 次姓(又叫母姓)組成。首姓即老豆個父姓,次姓即阿媽個父姓。首姓放先,次姓放後。兩個姓之間可以用y、e、de(de會直譯成「德」,而且唔加點)呢啲連接詞同介詞放埋一齊;不過響漢譯返嚟個陣,「y」同「e」有機會譯成破折號,亦可能直接用點代替。

1999年之後,西班牙籍住性別平等法案通過,亦通過另一個關於姓嘅嘢,就係允許西班牙人改變首姓同次姓嘅次序。響2013年之後,當父母響仔女嘅姓上有分歧,就要跟政府安排。跟據西班牙法律,當仔女響成年之後就可以決定自己姓氏嘅先後次序。

西班牙人依家一般唔會冠夫姓,以前就會。不過響某啲上流場合,女方可能會冠夫姓,即響自己個次姓之後再加上老公個父姓(連接詞係de)。例如一個女人叫比雅特麗斯·高慕斯·山齊士,佢老公叫柏度·杜克·費蘭迪斯;咁當佢出場呢啲場合個陣,就可能會冠夫姓,變成「比雅特麗斯·高慕斯·山齊士·德·杜克」。雖然可以咁做,但法律上都冇硬性規定。

加y用嚟連接首姓同次姓嘅情況通常會響官方文件或者族譜中常見,由十六世紀開始興,係好正式嘅用法,依家一般人都會直接唔用。不過響加泰羅尼亞,加y就比較普遍(響加泰羅尼亞文之中係讀i)。如果響加泰之外嘅地方,加y會畀人視為老套或者高貴嘅代名詞,現時西班牙國王菲臘六世就係例子。

人名[編輯]

西班牙人個名好多時係其他文演變而成,就好似出自拉丁文嘅 Felix、Julio,出自希伯來文嘅 Samual、Daniel,出自希臘文嘅Pedro、Alexjandro,仲有出自英文嘅Enrique、Alfredo。呢啲名唔多唔少會同天主教聖人有關。

而佢哋嘅名可能係單一嘅,亦有可能係複名。就好似一個叫 Juan Pablo 嘅男人,響西班牙文化係視為一個連住嘅名,而唔係分開;因為西班牙人唔知乜嘢係中間名。

女仔名有時係將男聖人名女性化,喺西班牙文比較英文普遍,例如 Josefa,就係由男人名 Josef 女性化而來。

不過有啲男人佢哋個名或者會出現女人名。就好似叫「Juan Carlos Teresa Silverio Alfonso de Borbón y Battenberg」嘅男人,入面就出現咗「Teresa」呢個女人名。原因係佢哋想通過咁嘅方式嚟紀念天主教嘅女性聖人,最常見嘅係「Maria」。

用法[編輯]

一個叫Antonio Gómez López嘅男人,可以叫佢做Señor Gómez(即高慕斯先生)。以下係佢嘅稱呼:

  1. Antonio
  2. Toño(暱稱)
  3. Antoñito, Tonín or Nono(愛稱)
  4. Señor Gómez
  5. Señor Gómez López

亦可以叫佢做Don Antonio或Don Antonio Gómez。

出名作家賈夫利耶·哈斯亞·馬紀斯,響粵文圈之中成日畀人叫做「馬紀斯」,其實係非常錯誤嘅叫法,正確叫法應該係「哈斯亞·馬紀斯」。不過都有出現以母姓做簡稱嘅情況,就好似西班牙前首相荷西·路易·洛迪古斯·薩帕特羅(José Luis Rodríguez Zapatero),由於佢父姓洛迪古斯(Rodríguez)太常見,所以好多時會簡稱佢係薩帕特羅(Zapatero,係佢母姓)。同樣例子仲有出名抽象派畫家畢加索、劇作家羅卡,情況同薩帕特羅一樣。

外國[編輯]

當外國人成為西班牙公民之後,佢哋響法律上有義務要改個西班牙名。如果呢個人本身係嚟自一啲得一個姓嘅地方(就好似歐美人名漢族人名),咁如果佢要改西班牙名,一係學當地人咁加佢阿媽個姓上去,一係就將佢個姓翻倍。舉個例,如果一個叫John Alex Smith嘅英國人想要改西班牙人名,可以改叫John Alex Smith Smith或者John Alex Smith Williams(Williams係佢阿媽個姓)。

另外,外國人響推測西班牙人嘅首姓同次姓嗰陣都會出錯。就好似作家賽華提亞·環·阿爾沃(Sebastià Juan Arbó,1902-1984)畀美國國會圖書館誤以為「阿爾沃」係佢個首姓、「賽華提亞·環」係佢個名,所以就排佢係A字頭。但其實,「環」先係佢個首姓,「阿爾沃」只不過係佢個次姓,所以應該要排佢係J字頭;雖然響西班牙好少人姓「環」。面對咁嘅情況,只可以問一問本人或者跟法律文件嚟處理。

其他地區[編輯]

西班牙本地有其他地區,而佢哋嘅命名習慣大致上同西班牙人名差唔多,但又有啲分別。可以去睇下: